СЫҢҒЫРЛА СОҢҒЫ ҚОҢЫРАУ

БІЛІМ БЕРУ ҰЙЫМДАРЫНДА СОҢҒЫ ҚОҢЫРАУ САЛТАНАТТЫ ШАРАСЫ ӨТТІ

Талмасын қанат, сөнбесін үміт,

Армандар алға жалғансын.

Соқса да дауыл, өрт болып өмір,

Қанаттар балғын талмасын!

Иә, тағы бір оқу жылы артта қалды. Ауданның барлық білім беру ұйымдарында оқу жылының аяқталуына арналған СОҢҒЫ ҚОҢЫРАУ мерекесі салтанатты түрде өтті.

Алтын ұя мектебінен білім нәрімен сусындап, Тәуелсіз елдің мерейін асыратын, дәл осы сәтте жүректері лүпіл қаққан қимастық пен қуаныш, аңсау мен арман сезімдері араласып, өмір жолының алғашқы қадамында тұрған жас түлектер мектептерімен қимастық сезіммен қоштасуда.

Мектеп бітіруші Жас түлектерге Ақ жол тілейміз!

Айта кетсек, оқу жылын 6214 оқушы аяқтады. 328 оқушы 11 сыныпты аяқтағалы отыр. 24 түлек «Алтын белгі» белгісіне, 9 түлек «Үздік аттестатқа» үміткерлер.

Негізгі мектепті 557 оқушы аяқтады, оның ішінде 56 оқушы «Үздік куәлікке» үміткер оқушылар.