Абай Құнанбайұлының 175 жылдық мерейтойына арналған іс-шаралар жалғасын табуда. Бүгін "Көктем" қазақ орта мектебінде "Жұлдызды сәт" зияткерлік ойыны өтіп, ақынның өмірбаяны, шығармашылығы, өскен ортасы туралы дайындалған тапсырмаларға оқушылар белсенді жауап беріп, өз білімдерін көрсетті. "Өлді деуге бола ма айтыңдаршы, өлмейтұғын артына сөз қалдырған" Абайдың және Абай туындыларының мәңгілік екендігін жас өрендер дәлелдеді. Сайыс қорытындысы бойынша 6 "а" сыныбы 1 орын, 6 "б" сыныбы 2 орын, 7 "а" сыныбы 3 орынды иеленді. Абайды тану барша жұрттың міндеті болса, ал Абайды таныту - біздің міндетіміз болып қала бермек ...