Осындай атаумен "Көктем" қазақ орта мектебінде студенттермен кездесу кеші өтті. Студенттер аяулы ақ армандар, жыл сайын жасарып, жаңарғандар, білім қуып терезе қадалғандар" деп өлең жолдарында айтылғандай, асқақ арманмен, білім қуып Қазақстанның түкпір-түкпірінде оқып жатырған студенттермен кездесу кеші ұйымдастырылды.

Кездесуге сан түрлі мамандықта яғни мемлекеттік және жергілікті басқару, есеп және аудит, дәрігер, мұғалім, заңгер мамандығында білім алып жатырған студенттер кеш қонағы ретінде шақырылды. Кездесу кеш барысы оқушылар тарапынан қойылған сұрақтарға жауап беріп, қызықты тренингпен, әсем әнмен, ой-пікірмен жалғасын тапты. Студенттік өмірдің қызықтары мен қиындықтары тақырыбында сөз қозғаған студенттер оқушыларға мамандықты дұрыс таңдау, мектеп қабырғасында берген білімді саналы ұға білуге шақырды. Сонымен қатар мектеп бітіруші түлектер алатын аттестаттағы пән бағасы оқу ақысына әсер ететінін айтты. Яғни аттестатта 4 пен 5 баға болса, оқу ақысында 30% ға дейін жеңілдіктер қарастырылғанын хабарлады. Кеш соңында мектеп түлектері уақыттарын бөліп кездесуге келген студенттерге ризашылықтарын білдірді.