Бүгінде бірегей қоғамдық қозғалыс болып табылатын «Буккроссинг» кітап алмасу акциясы «Көктем» қазақ орта мектебінде кітапхана меңгерушісі Зауреш Азербаеваның ұйытқы болуымен өткізілді.

Аталмыш акция «Өзің оқы да, өзгеге ұсын» атты тақырыппен ұйымдастырылып, оған мектеп оқушылары белсене қатысты. Осы аталған «Буккроссинг» акциясының барысында кітапханашы оқырмандарға «Буккроссинг» қозғалысы туралы ақпарат беріп,«Кітап оқимыз бәріміз», «Кітап қалай пайда болды?» тақырыптарда әңгімелер жүргізіп, мәнерлеп оқудан сайыс өткізді. Енді арнайы арналған орында оқушылар үзілісте кітаппен таныса алады және ұнаған кітапты оқуға өзімен алуға болады. Бірнеше кітап өз оқырмандарын тапты. Кітаптармен алмасу ізгілігі балаларға ұнады. Кітап алмасу әлі де жалғасуда.