Атырау қаласы «Жерұйық» мәдениет орталығы» қоғамдық қоры жанынан құрылған «Елсана» руханият клубының,

«Әлібек» ақындар алаңының ұйымдастыруымен аудандар арасынан тұңғыш рет Индер ауданында «ПОЭТИКАЛЫҚ ДУЭЛЬ» жас ақындардың жыр додасы өткізілді. Жыр додасына Х. Досмұхамедов атындағы Атырау мемлекеттік университетінің ІІ курс студенті Шырайлым Елтайқызы, «Балдаурен» бөбекжай балабақшасының тәрбиешісі Берікова Сәуле Берікқызы, Жамбыл атындағы орта мектеп оқушылары Бағдат Елхан Бағдатұлы, Қанатова Аяла Бағдатқызы, Қ.Есқалиев атындағы орта мектеп оқушылары Меңдіқұлова Айгерім Ерболқызы, Имашева Дильназ Артурқызы және Көктем қазақ орта мектебінің оқушылары Кеңесов Ертай Мерекеұлы мен Сансызбаев Айбат Саламатұлы қатынасты. 4 бағам бойынша сынға түскен жас ақындар өз туындыларын оқумен қатар, берілген тақырыпқа қысқа уақыт аралығында жыр шумақтарын жазудан жарысты.

Жарыс нәтижесінде мектебіміздің шәкірттері Сансызбаев Айбат ІІ орын иеленсе, Ертай Кеңесов І орынды қанжығалады. «Әлібек» ақындар алаңының желтоқсан айында өтетін облыстық кезеңіне Кеңесов Ертай жолдама алды.