19 - наурыз күні "Қош келдің, Наурыз!" атты Ұлыстың ұлы күні Наурыз мерекесіне орай ұйымдастырылған онкүндік аясында 8-11 сыныптар "Сүйінші", "Босаға майлау", "Аластау", "Бастаңғы" дәстүрлерінің мағынасын түсіндіріп, қойылым көрсетті.
Сонымен қатар, өнерлі жастар ән салып, би билеп, күмбірлетіп күй төкті. Шара соңында оқушылар "Асық ату", "Білек күшін сынасу", "Арқан тартыс" ойындарынан сынға түсіп, "Қара жорға" биінен сайыс өткізді.