2018-2019 оқу жылының 3 қазан күні

«Атадан туған аруақты ер» атты мектепішілік VІ Махамбет оқулары өткізілді. Мақсаты: Ерлікпен елдікті жырлаған,батырлық символына айналған алмас жырлардың авторы М.Өтемісовтың әдеби мұрасын бүгінгі күн тұрғысынан тану.

Сайыс 3 бөлімнен тұрды. I бөлім - «Ел құтқарар ер едім» Махамбет жырларын жатқа оқу конкурсы. Қатысушы Махамбеттің рухын өлеңдері арқылы көрсету мақсатында Махамбеттің образын көрсете отырып жатқа айтуы, ақын өлеңінің мінезін беруі шарт (ақын шығармаларын ең көп жатқа білетін оқушыға жоғары баға қойылады).
II бөлім - «Ұлы арман» Махамбет күйлерін және өлеңдерін орындаушылар конкурсы. Бұл бөлімде қатысушылар Махамбет күйлерін және өлеңдерін орындаудан сайысқа түседі. III бөлім - «Тартынбай сөйлер асылмын...» жас дарындылар сайысы.
Сайысқа 2-10 сынып оқушылары қатысып, белсенділік көрсетті.Нәтижесінде, І бөлім бойынша 6 сынып оқушысы Н. Аманбай , ІІІ бөлім бойынша 9 сынып оқушысы А.Сансызбай жүлделі І орынмен марапатталды.